Home / اہم خبریں / حکومت کا تعلیمی ادارے مزید بند کرنے کا اعلان 9ویں سے 12 جماعت کے امتحانات کا فیصلہ بھی ہو گیا

حکومت کا تعلیمی ادارے مزید بند کرنے کا اعلان 9ویں سے 12 جماعت کے امتحانات کا فیصلہ بھی ہو گیا

(مانیٹرنگ ڈیسک)وفاقی وزیر تعلیم شفقت محمود نے پریس کانفرنس سے خطاب کرتے ہوئے کہا ہے کہ تعلیمی اداروں کو 11 اپریل تک بند کیا گیا تھا اور انہیں کھولنے یا نہ کھولنے سے متعلق اجلاس میں مشاورت کی گئی ہے جبکہ این سی او سی کے اجلاس میں امتحانات کے شیڈول کے بارے میں بھی فیصلہ کیا گیاہے ۔ ملک میں دو قسم کے امتحانات ہونے

ہیں ایک وہ جو کہ 9 ویں سے 12 ویں جماعت کے ہیں اور دوسرا اے اور او لیول کے امتحانات ہیں۔ فیصلہ کیا گیاہے کہ ہر علاقہ متاثر نہیں ہے تاہم جو اضلاع متاثر ہیں ، وہاں سے یکم تا آٹھویں جماعت تک تعلیمی ادارے 28 اپریل تک بند کر دئے گئے ہیں ، پنجاب کے 13 اضلاع متاثر ہیں ، اس لیے ان 13 اضلاع میں یہ پابندی لاگو ہو گی ، اسی طرح سندھ میں بھی تعلیمی ادارے بند کرنے کا اعلان کر دیا گیاہے۔ شفقت محمود کا کہناتھا کہ یہ فیصلہ صوبو ںنے کرناہے کہ ان کے کونسے اضلاع متاثر ہیں جہاں تعلیمی ادارے بند رکھے جائیں گے تاہم 28 اپریل کو دوبارہ اجلاس ہو گا جس میں اداروں کو مزید عید تک بند رکھنے یا کھولنے سے متعلق مشاورت کی جائے گی ۔وزیر تعلیم کا کہناتھاکہ نویں سے 12 جماعت تک امتحانات ہونے ہیں اس لیے انہیں سخت ایس او پیز کے ساتھ تعلیمی اداروں میں آنے کی اجازت دی جائے گی تاکہ وہ اپنی پڑھائی کو مکمل کر لیں اور امتحانات کیلئے تیاری کریں ۔ یونیورسٹیوں سے متعلق اعلان کرتے ہوئے ان کا کہناتھا کہ متاثرہ اضلاع میں یونیورسٹیاں 28 اپریل تک بند رہیں گی لیکن جو اضلاع متاثر نہیں ہیں وہاں یونیورسٹیاں معمول کے مطابق کام کریں گی ۔شفقت محمود نے مزیدکہا کہ نویں سے 12 جماعت تک سارے پاکستان میں 40 لاکھ بچے امتحانات دیتے ہیں ، جن میں 30 بورڈز شامل ہیں ، نویں جماعت سے 12 ویں تک امتحانات ہوں گے ، یہ ہمارے مقامی امتحان ہیں اس لیے انہیں مئی کے تیسرے ہفتے میں لے جایا جائے گا ، پنجاب نے جو نئی ڈیٹ شیٹ جاری کی ہے اسے بھی آگے کیا جارہاہے ، بچوں کو تیاری کا موقع بھی مل جائے گا ۔ ان کا کہنا تھا کہ ساری دنیا میں 80 فیصد امتحانات ہو رہے ہیں ، اے اور او لیول کے امتحانات ڈیٹ شیٹ کے مطابق ہی ہوں گے ۔

Share

About admin

Check Also

اناللہ وانا الیہ راجعون!چوہدری برادران کے گھر صفِ ماتم بچھ گئی

اناللہ وانا الیہ راجعون!چوہدری برادران کے گھر صفِ ماتم بچھ گئی۔۔۔۔لاہور(نیوز ڈیسک) پاکستان مسلم لیگ …

Leave a Reply

Your email address will not be published. Required fields are marked *

Powered by themekiller.com